धनगढी । कैलालीकाे अत्तरियाबाट लागुऔषधसहित प्रहरीले ३ जनालाई पक्राउ गरेकाे छ ।
ईलाका प्रहरी कार्यालय मालाखेतीबाट खटिएको टोलीले डडेल्धुराकाे पर्शुराम नगरपालिका- ११ घर भएर अत्तरियामा डेरा गरि बस्ने खडक बिष्ट र आलीताल गाउँपालिका ६ का विष्णु बिष्टलाई पक्राउ गरिएको प्रहरीले जनाएको छ ।
ईलाका प्रहरी कार्यालयका प्रमुख प्रहरी नायब उपरीक्षक(डीएसपी) गणेश बरालले शंका लागी चेकजाँच गर्दा खडकको साथबाट २ ग्राम ८० मिलीग्राम र बिष्णुको ७० मिलिग्राम लागुऔषध (खैरो हेरोईन) बरामद गरिएकाे जानकारी दिए ।
उनकाअनुसार गोदावरी नगरपालिका – २ बस्ने दिलिप कडायतलाई पनि पक्राउ गरिएको छ । उनकाे साथबाट ९६५ मिलीग्राम लागुऔषध बरामद गरिएको छ । पक्राउ परेका तीनै जनालाई नियन्त्रणमा लिएर अनुसन्धान भइरहेको प्रहरीले जनाएको छ ।