धनगढी । अछाममा चट्याङ लागेर एक बालक घाइते भएका छन् ।
जिल्लाको कमलबजार नगरपालिका—९ सिद्देखेत बस्ने बिष्णु प्रशाद जैशीको घरमा चट्याङ परेको छ ।
घरमा चट्याङ पर्दा उनका छोरा ११ वर्षीय नारायण जैशी घाइते भएका छन ।
यस्तै, घरमा चट्याङ पर्दा गोठमा बाधेका १ भैसी २ ओटा बाख्राको मृत्यु भएको र २ ओटा बाख्रा घाईते भएका छन् ।
चट्याङ लागेर घाइते भएको बालकको स्थानिय मष्टा बण्डाली स्वास्थ्य चौकीमा उपचार भईरहेको प्रदेश प्रहरी कार्यालय कैलालीले जनाएको छ।
