धनगढी । डोटीमा आगलागी हुदाँ २ पसल जलेर नष्ट भएको छ ।
गएराति जिल्लाको जोरायल गाउँपालिका—३ चनकट्टे बस्ने ३० वर्षीय चक्र रावलको होटलमा आगलागी भएको हो ।
रावलको होटलमा लागेको आगो फैलिएर सोही ठाउँ बस्ने ४५ वर्षीय राम बहादुर ढोलीको कपडा सिलाउने खोकोमा समेत आगलागी भएको छ ।
आगलागी हुँदा होटल र कपडा सिलाउने खोको पूर्णरूपमा जलेर करिब २१ लाख रूपैयाँ बराबरको धनमाल नष्ट भएको जिल्ला प्रहरी कार्यालय डोटीले जनाएको छ ।
