धनगढी । अछाममा छाउगाेठमा बसेकाे अवस्थामा किशोरीमाथि जबरजस्तीकरणी गरिएकाे छ ।
जिल्लाकाे पञ्चदेवल विनायक नगरपालिकामा मंगलबार बेहाेस् अवस्थामा भेटिएकी १६ वर्षीया किशाेरीमाथि जबरजस्तीकरणी भएकाे खुलेकाे प्रहरीले जनाएको छ ।
जिल्ला प्रहरी कार्यालयका प्रमुख प्रहरी नायब उपरीक्षक(डीएसपी) सन्ताेश पाठकले किशोरीलाई छाउगाेठमा बेहाेस् अवस्थामा भेटेपछि उद्दार गरेर अस्पताल लगिएकाे बताए ।
उपचारपछि किशोरीले आफूमाथि जबरजस्तीकरणी गरेकाे बताएकी थिइन् ।
उनकाे बयानका आधारमा जबरजस्तीकरणी गरेकाे आराेपमा पञ्चदेवल विनायक नगरपालिकाकै १७ वर्षीय किशोरलाई पक्राउ गरिएकाे डीएसपी पाठकले बताए ।
उनकाअनुसार नातामा उनी किशोरीका मामा पर्छन् भने दुवै जना एउटै विद्यालयमा ९ कक्षामा अध्ययन गर्दै आएका थिए ।
