बैतडीको पाटनका बिष्टको हत्या : फरार पहरी जंगलमा भेटिए, पक्राउ पर्ने ५ जना पुगे

spa1
Nisharg hospital

धनगढी । बैतडीको पाटन नगरपालिका–६ का ५१ वर्षीय ट्रक चालक बिरभान बिष्टको हत्या गरेको अभियोगमा पक्राउ पर्नेको संख्या पाँच पुगेको छ । फरार रहेका पाटन नगरपालिका–६ का पुन्टु भनिने २६ बर्षीय आशिष पहरीलाई बुधबार पक्राउ गरेसँगै पक्राउ पर्नेको संख्या पाँच पुगेको छ ।

जिल्ला प्रहरी कार्यालयका प्रमुख प्रहरी नायब उपरीक्षक(डीएसपी) दिपक गिरीले घटनापछि फरार पहरीलाई पाटन नगरपालिका–५ को अर्तोला नजिकैको जंगलबाट पक्राउ गरिएको जानकारी दिए ।

kailali model
swostik

उनकाअनुसार यो घटनामा यसअघि नातामा मृतककी बुहारी पर्ने पाटन नगरपालिका–६ की ३६ बर्षीया शिक्षिका भागरथी बिष्ट, सोही ठाउँ बस्ने ३८ बर्षीय भरतमोहन बिष्ट, पाटन नगरपालिका–१ का १९ बर्षीय राजेन्द्र भट्टराई र १७ बर्षीय किशोर भट्टराईलाई यसअघि नै पक्राउ गरिएको थियो ।

adv khaptad

उनीहरुविरुद्ध कर्तव्य ज्यान शिर्षकमा मुद्दा दर्ता गरेर अनुसन्धान भइरहेको प्रहरीले जनाएको छ । १ असारको रातिदेपख हराएका बिष्टको हत्या गरेर फालेको अवस्था सोमबार दिउँसो पाटन नगरपालिका–६ को घाङल खोलामा शव फेला परेको थियो ।

मृतक बिष्ट र पक्राउ परेकी मुख्य अभियुक्त भागरथी बिष्टबीच विगत केही वर्षदेखि अनैतिक सम्बन्ध रहेको थियो । घटना भएको दिन पक्राउ परेका मध्येका केही व्यक्ति भागरथीको घरभित्र उनीसँगै बसिरहेको अवस्थामा बिष्ट पुगेपछि विवाद भएर हत्याको स्थिती सिर्जना भएको प्रारम्भिक अनुसन्धानबाट खुलेको प्रहरीले जनाएको छ ।

Navjiwan hospital adv
याे पनि हेर्नुस्
Loading...