अख्तियारले ललितपुरका मेयरलाई बुझायो बयानका लागि बोलाएको पत्र

spa1
Nisharg hospital

काठमाडौं । अख्तियार दुरुपयोग अनुसन्धान आयोगले ललितपुर महानगरपालिकाका मेयर चिरीबाबु महर्जनलाई बयानका लागि बोलाएको पत्र बिहीबार बुझाएको छ ।

बाढी पीडितलाई रकम वितरण गरेको र प्रेस संयोजक नियुक्तिका विषयमा बयानका लागि बोलाइएको छुट्टाछुट्टै पत्र बिहीबार अख्तियारका कर्मचारीले मेयर महर्जनलाई बुझाएको हो ।

kailali model
swostik

दुबै पत्र अख्तियारका कर्मचारीले बिहीबार दिउँसो मेयर महर्जनलाई कार्यकक्षमै पुगेर दिएका अख्तियार स्रोतले जनाएको छ ।

adv khaptad

अख्तियारले २०७७ सालमा धापाखेल क्षेत्रका बाढी पीडितलाई महानगरको कार्यपालिका बैठकको निर्णय विपरीत डेढ लाख र दुई लाख रुपैयाँ राहत दिएका विषयमा उजुरी परेको भन्दै बयानका लागि महर्जनलाई बोलाएको छ । त्यस्तै प्रेस संयोजक नियुक्तिका विषयमा पनि उनलाई बयानका लागि बोलाइएको छ ।

अख्तियारले मेयर महर्जनलाई २६ र २८ असारमा टंगालस्थित कार्यालयमा बयान दिन आउन भनेको छ ।

ललितपुर महानगरपालिकाले अख्तियारकी आयुक्त सुमित्रा अमात्यको चाकुपाटस्थित घरले सार्वजनिक जग्गा मिचेको भन्दै डोजर लगाएपछि अख्तियारले त्यसको भोलिपल्ट मेयर महर्जनलाई बयानका लागि बोलाएको पत्र बुझाएको हो ।

Navjiwan hospital adv
याे पनि हेर्नुस्
Loading...