९ असोज, धनगढी । धनगढी उपमहानगरपालिकाकी उपमेयर कन्दकला रानासहित सशस्त्र प्रहरीको टोलीले बाढीमा फसेका २९ जनाको सकुसल उद्दार गरेको छ ।
उपमहानगरपालिका–१८ को नुक्लिपुरमा गाईवस्तु चराउन गएका बेला मोहना नदीमा बाढी आएपछि अलपत्र परेकाहरुको उद्दार गरिएको हो ।
स्थानीय बासिन्दा मोहना नदी पारी फसेको जानकारी पाएपछि उपमेयर राना नेपाल प्रहरी र सशस्त्र प्रहरीको उद्दार टोलीसहित त्यहाँ पुगेको स्थानीय प्रशासनले जनाएको छ ।
जिल्ला प्रशासन कार्यालय कैलालीका सूचना अधिकारी शिवराज जोशीले सशस्त्र प्रहरी बल नेपाल ३४ नम्बर गण कैलालीबाट खटिएको टोलीले उनीहरुको उद्दार गरेको जानकारी दिए । उपमेयर रानासँग नगर प्रहरी समेत मोहना नदी पुगेका थिए ।
