धनगढी । अनेरास्ववियुले सुदूरपश्चिम विश्वविद्यालयको राष्ट्रिय कमिटिको संयोजकको जिम्मेवारी राजेन्द्र रावललाई दिएको छ ।
अनेरास्ववियुको सुदूरपश्चिम विश्वविद्यालय राष्ट्रिय कमिटिका इन्चार्ज रोहित बमले लामो समयदेखि नेतृत्वविहीन रहेको भन्दै रावललाई संयोजकको जिम्मेवारी दिइएको जानकारी दिएका छन् ।
रावल यसअघि विश्वविद्यालय कमिटिको कार्यसमिति सदस्य थिए । कमिटिको सहसंयोजकमा सुरेन्द्र जोशी र सचिवको जिम्मेवारी गणेश नाथलाई तोकिएको छ । गत निर्वाचनमा सुदूरपश्चिम विश्वविद्यालयका अनेरास्ववियु संयोजक चेतन अयडीको हत्या भएपछि कमिटि नेतृत्वविहीन अवस्थामा थियो ।
संयोजक, सहसंयोजक र सचिवको जिम्मेवारी तोकेको राष्ट्रिय कमिटिले चाडै कार्य समितिलाई पूर्णता दिइने जनाएको छ ।
