धनगढी । बैतडीका युवा व्यवसायी दिपु शाहको मोटरसाइकल दुर्घटना भएको छ ।
धनगढीबाट बैतडी फर्किने क्रममा शनिबार कैलालीको गोदावरी नगरपालिकास्थित गोदावरी मोडमा शाहको सुपप्र ०१००८ प ४५४६ नम्बरको मोटरसाइकल दुर्घटना भएको हो ।
वर्षाका कारण सडक चिप्लो भएकाले अनियन्त्रित भएर मोटरसाइकल दुर्घटनामा परेको हो । मोटरसाइकलमा शाह बाहेक अन्य यात्रारत नभएकाले मानवीय क्षति भएको छैन ।
प्रहरीकाअनुसार शाहको खुट्टामा र शरीरका केही भागमा चोट लागेको छ । उनको निसर्ग हस्पिटल धनगढीमा उपचार भइरहेको छ । उनको अवस्था खतरामु्क्त रहेको छ ।
शाहले आफ्नो स्वास्थ्य अवस्था समान्य रहेको बताउँदै शुभेच्छुकलाई चिन्ता नलिन आग्रह गरेका छन् ।
