काठमाडौं । शुक्रबार सुनको भाउ तोलामा २ हजार २ सय रुपैयाँ बढेको छ । नेपाल सुनचाँदी व्यवसायी महासंघले यस दिनका लागि सुनको भाउ प्रतितोला २ लाख ९६ हजार ९ सय रुपैयाँ तोकेको छ ।
अघिल्लो दिन २ लाख ९४ हजार ७ सय रुपैयाँमा सुनको कारोबार भएको थियो । समग्रमा विगत एक सातामा सुनको भाउ २ हजार ९ सय रुपैयाँ बढेको छ ।
गत शुक्रबार २ लाख ९४ हजार रुपैयाँमा सुनको कारोबार भएको थियो । माघ १५ गते सुनको भाउ हालसम्मकै उच्च ३ लाख ३९ हजार रुपैयाँ पुगेको रेकर्ड छ । आज चाँदी पनि बढेको छ । अघिल्लो दिनको तुलनामा चाँदी प्रतितोला ८५ रुपैयाँ बढेको हो ।
हिजो प्रतितोला ४ हजार ८७५ रुपैयाँमा कारोबार भएको चाँदी आज ४ हजार ९६० रुपैयाँमा कायम भएको छ । गत शुक्रबार चाँदी प्रतितोला ४ हजार ८३० रुपैयाँमा कारोबार भएको थियो । माघ १५ गते चाँदीको भाउ हालसम्मकै उच्च ७ हजार पाँच सय रुपैयाँ पुगेको रेकर्ड छ ।
