कञ्चनपुर । कञ्चनपुरको बेलौरी नगरपालिका–१० भुडाँ मैली क्षेत्रमा लागूऔषधसहित एक युवक पक्राउ परेका छन् ।
मंगलबार साँझ करिब ५ बजे भारतबाट पैदल नेपालतर्फ आउँदै गरेका बेलडाँडी गाउँपालिका–१ रौलेश्वरका २२ वर्षीय हरेन्द्र साउँदलाई प्रहरीले शंका लागेर जाँच गरेको थियो ।
जाँचका क्रममा उनको साथबाट १४ ग्राम ८४० मिलिग्राम ब्राउन सुगरजस्तो देखिने खैरो धुलो पदार्थ फेला परेको प्रहरीले जनाएको छ ।
लागूऔषध बरामद भएपछि साउँदलाई नियन्त्रणमा लिएर थप अनुसन्धान भइरहेको प्रहरीले जानकारी दिएको छ ।
