काठमाडौं । नेपाल प्रिमियर लिग (एनपीएल) अन्तर्गत मंगलबारको खेलमा चितवन राइनोजले विराटनगर किंग्सलाई १५८ रनको लक्ष्य दिएको छ ।
कीर्तिपुरस्थित त्रिवि क्रिकेट मैदानमा टस हारेर पहिले ब्याटिङ गरेको चितवनले निर्धारित २० ओभरमा ३ विकेट गुमाएर १५७ रन बनायो ।
चितवनका लागि डेविड मलानले सर्वाधिक ७० रन बनाए । उनले ५० बलमा ५ चौका र ५ छक्का प्रहार गरे । त्यस्तै, कप्तान रवि बोपाराले अविजित ३२ र ड्यान माउज्लीले अविजित २९ रन बनाए ।
