धनगढी । कैलाली प्रहरीले धनगढी उपमहानगरपालिकाका विभिन्न स्थानबाट भन्सार छलि भारतबाट ल्याइएका करिब १ लाख ८१ हजार ७३० रुपैयाँ बराबरका सामान बरामद गरेको छ।
जिल्ला प्रहरी कार्यालय कैलाली तथा मातहतका प्रहरी कार्यालयबाट खटिएको टोलीले सोमबार धनगढी उपमहानगरपालिका–२ स्थित फन पार्क र वडा नम्बर ९ को बंग्रा कटान क्षेत्रबाट कपडा, सुर्ती, बिडीलगायतका सामान बेवारिसे अवस्थामा फेला पारी नियन्त्रणमा लिएको हो।
बरामद सामान आवश्यक कारबाहीका लागि सम्बन्धित निकायमा बुझाउने प्रक्रिया अघि बढाइएको प्रहरीले जनाएको छ।
