रिचार्लिसन ५ वर्षका लागि टोटनहममा अनुबन्ध

Nisharg hospital

१७ असार, काठमाडौं । ब्राजिलियन फरवार्ड रिचार्लिसन टोटनहम हट्सपरमा अनुबन्ध भएका छन् । टोटनहमले प्रिमियर लिगकै अर्को क्लब एभरटनबाट रिचार्लिसनलाई पाँच वर्षका लागि अनुबन्ध गरेको हो ।

Dhangadhi suchana

यसको अर्थ उनको सम्झौता रकम ६० मिलियन पाउण्ड बराबर भएको बीबीसीले उल्लेख गरेको छ । २५ वर्षीय रिचार्लिसनले गत सिजन एभरटनलाई रेलिगेसनबाट जोगाउन मद्दत गर्दै १० गोल गरेका थिए । साथै ५ असिस्ट पनि गरेका थिए ।

सन् २०१८ मा वाटफोर्डबाट एभरटन पुगेका रिचार्लिसनले त्यहाँ रहँदा १३५ लिग खेलमा ४३ गोल गरेका थिए । च्याम्पियन्स लिगमा छनोट भएको टोटनहमले आगामी सिजनका लागि राम्रो टिम बनाउन फरवार्ड भित्र्याएको हो ।

टोटनहमले यसअघि नै गोलकिपर फ्रेजर फोस्टरलाई फ्रि ट्रान्सफरमा अनुबन्ध गरिसकेको छ । यस्तै टोटनहमले वाईभेस बिसाउमा र इभान पेरिसिकलाई पनि अनुबन्ध गरिसकेको छ ।

 

Navjiwan hospital adv
याे पनि हेर्नुस्
Loading...