२७ भदौ, धनगढी । कैलालीमा लागुऔषधसहित दुई जना युवक पक्राउ परेका छन् ।
जिल्लाको धनगढी उपमहानगरपालिका–२ को रुवस होटल नजिकैबाट ब्राउन सुगरसहित दुई जनालाई पक्राउ गरिएको प्रहरीले जनाएको छ ।
पक्राउ पर्नेमा धनगढी –३ बस्ने २१ वर्षीय अशोक अधिकारी र २४ वर्षीय मोहित जोशी रहेका छन् । उनीहरुको साथबाट प्रहरीले १ ग्राम ९३० मिलीग्राम ब्राउन सुगर बरामद गरेको छ ।
दुवै जनालाई नियन्त्रणमा लिएर थप अनुसन्धान भइरहेको प्रहरीले जनाएको छ ।
