बुर्किनाफासोमा आक्रमणमा परी ११ सैनिकको मृत्यु, ५० सर्वसाधारण बेपत्ता

Nisharg hospital

१२ असोज, बुर्किना । उत्तरी बुर्किना फासोमा भएको एक आक्रमणमा परी कम्तीमा ११ जना सैनिकको मृत्यु भएको छ ।

Navjiwan hospital adv

विद्रोहीहरुको आक्रमणमा परेर कम्तिमा ५० जना सर्वसाधारण बेपत्ता भएको बुर्किनाफासो सरकारले मङ्गलबार एक विज्ञप्तिमा प्रकाशन गरेका जनाएको छ । जिबो शहरतर्फ जाँदै गरेको एक आपूर्ति समूहलाई साहेल क्षेत्रको साउम प्रान्तको गास्किन्देको कम्युन नजिक विद्रोहीहरूले आक्रमण गरेका थिए ।

‘आक्रमणमा ११ सैनिकको मृत्यु भएको छ, २० सैनिकसहित २८ जना घाइते भएका छन् र करिब ५० जना सर्वसाधारण बेपत्ता भएका’ विज्ञप्तिमा जनाइएको छ । आक्रमणकारीको खोजी जारी रहेको विज्ञप्तिमा भनिएको छ ।

बुर्किना फासोमा २०१५ यता सुरक्षा अवस्था बिग्रिएको छ । पश्चिम अफ्रिकी यस राष्ट्रमा भएका आक्रमणहरूमा एघार सय भन्दा बढी मानिसहरूको मृत्यु भएको छ । १९ लाख भन्दा बढी विस्थापित भएका छन् ।

याे पनि हेर्नुस्
Loading...