१६ असोज, झापा । झापाको कमलमा खुकुरी प्रहार गरी दुई जनाको हत्या गरिएको छ ।
कमल गाउँपालिका २ स्थित सिमलडाँगी निवासी ५० वर्षीया चन्द्रकला माझी र ५० वर्षीय सन्तबहादुर माझीको हत्या भएको प्रहरी कार्यालय झापाका एसपी विश्वमणि पोखरेलले जानकारी दिए ।
उनीहरूको हत्या २३ वर्षीय छोरा चन्द्रबहादुर माझीले गरेका हुन् । चन्द्रले आमा चन्द्रकला र काका सन्तबहादुरलाई शनिबार राती १० बजे सुतिरहेको अवस्थामा खुकुरी प्रहार गरी हत्या गरेका हुन् ।
घटना भएलगतै इलाका प्रहरी कार्यालय दमकको टोलीले चन्द्रबहादुरलाई घटनास्थलबाटै पक्राउ गरेको एसपी पोखरेलले बताए । घटनाको बारेमा थप अनुसन्धान भइरहेको प्रहरीले जनाएको छ ।
