धनगढी । टीकापुर नगरपालिका–९ सुनफाँटाबाट प्रहरीले ब्राउनसुगरसहित दुई जनालाई पक्राउ गरेको छ।
सोमबार दिउँसो प्रहरी चौकी कालाकुण्डाबाट खटिएको टोलीले गौरीगंगा नगरपालिका–४ राजीपुरका २३ वर्षीय चन्द्र नेपाली र २४ वर्षीय सुरेश नेपालीलाई पक्राउ गरेको हो।
उनीहरूको साथबाट ५ ग्राम ९ सय ९० मिलिग्राम ब्राउनसुगरजस्तो देखिने अवैध लागूऔषध बरामद गरिएको प्रहरीले जनाएको छ।
घटनाबारे थप अनुसन्धान भइरहेको प्रहरीले जनाएको छ।
