काठमाडौं । उद्योग, वाणिज्य तथा आपूर्तिमन्त्री गौरी कुमारीले केही महिनाभित्र हटौँडा कपडा उद्योग सञ्चालनमा आउने दाबी गरेकी छन् । मंगलबार राष्ट्रियसभा बैठकमा सांसदहरूले आफ्नो मन्त्रालयको विनियोजन शीर्षकमाथि उठाएका प्रश्नको जवाफ दिने क्रममा उनले उक्त कुरा बताएकी हुन् ।
मन्त्री कुमारीले अर्थ मन्त्रालयले उद्योगको मर्मतका लागि ३३ लाख बजेट निकासा गरी काम भइरहेको पनि स्पष्ट पारिन् । उनले सरकारले उक्त उद्योगलाई अघि बढाउने काममा विशेष ध्यान दिएको उल्लेख गरिन् ।
हेटौँडा कपडा उद्योगका लागि ३३ लाख बजेट निकासाको लागि अर्थ मन्त्रालयमा लेखी पठाएको छु । जुन निकासा भइसकेको छ , त्यो उद्योगमा गइसकेको छ । त्यहाँको मर्मत कार्य पनि अगाडि बढिसकेको छ । केही महिनामा नै त्यो सञ्चालनमा आउँछ भन्ने म विश्वास दिलाउन चाहन्छु उनले भनिन् ।
मन्त्री कुमारीले सरकारले व्यापार घाटा न्यूनीकरण गर्दै लैजानका लागि प्राथमिकताका साथ काम गरिरहेको बताइन् ।
