डोल्पामा एक्स्काभेटर दुर्घटना हुँदा चालकको मृत्यु भएको छ ।
मृत्यु हुनेमा ठूली भेरी नगरपालिका-६ काँडातालीका ४२ वर्षीय मनवीर रोकाया रहेका छन् । ठूली भेरी नगरपालिका- २ लोचा गाउँसम्म सडकको ट्र्याक खोल्ने क्रममा बा।प्र ०१-००१ ग ४२१० नम्बरको एक्स्काभेटर दुर्घटनामा परेको थियो ।
दुर्घटनामा परी घाइते भएका रोकायालाई उपचारका लागि जिल्ला अस्पताल दुनै लगिएको थियो । उनको उपचारको क्रममा मृत्यु भएको प्रहरीले जनाएको छ । प्रहरीका अनुसार सदरमुकाम दुनैदेखि लोचासम्मको सडकको ट्र्याक खुला गरिरहेको एक्स्काभेटर दुर्घटनामा परी सडकबाट करिब ५०/६० मिटर तल खसेको थियो ।
प्रहरीले दुर्घटनामा परेको एक्स्काभेटर ठूली भेरी नगरपालिकाको रहेको खुलेको र दुर्घटनाको कारणबारे प्रहरीले अनुसन्धान गरिरहेको जनाएको छ।
