काठमाडौँ । नेपाल भाषाका जनकवि तथा वरिष्ठ साहित्यकार दुर्गालाल श्रेष्ठको आइतबार राति निधन भएको छ। ९३ वर्षीय श्रेष्ठको बूढानीलकण्ठस्थित आफ्नै निवासमा निधन भएको हो। उनी पछिल्लो समय लामो समयदेखि बिरामी थिए।
विगत ६ दशकदेखि साहित्य सिर्जनामा निरन्तर सक्रिय श्रेष्ठले नेपाल भाषाका साथै नेपालीमा पनि कविता, गीतलगायत विभिन्न विधामा कलम चलाएका थिए । । नेपाल भाषा परिषद्ले उनलाई ‘जनकवि’को उपाधिबाट सम्मानित गरेको थियो।
उनले रचना गरेकाका ‘सयथरी बाजा एउटै ताल, सयथरी गोडा एउटै चाल’ र ‘फूलको आँखामा फूलै संसार’ जस्ता गीत चर्चित छन्।
साहित्यकार प्रा.डा. रामप्रसाद ज्ञवालीले श्रेष्ठको निधनले नेपाली साहित्य र संस्कृति क्षेत्रले एक महान् स्रष्टा गुमाएको बताएका छन्।
