कञ्चनपुरको बेलौरी नगरपालिका–१० भुडामा मोटरसाइकल र साइकल एकआपसमा ठोक्किँदा चार जना घाइते भएका छन्।
शुक्रबार राति भुडाबाट सडकघाटतर्फ गइरहेको सु.प्र.प. ०२००३ प ३४१८ नम्बरको मोटरसाइकल र विपरीत दिशाबाट आइरहेको साइकल एकआपसमा ठोक्किएका थिए।
दुर्घटनामा मोटरसाइकल चालक ओमपाल चौधरी, पछाडि सवार रिनेभ चौधरी तथा साइकलमा सवार अमृत चौधरी र बन्धुराम चौधरी घाइते भएका छन्। प्रहरीका अनुसार चारै जनाको टाउकोमा चोट लागेको छ।
घाइते चारै जनालाई उपचारका लागि धनगढीस्थित निसर्ग अस्पताल लगिएको छ।
