धनगढी । कैलाली र कञ्चनपुरबाट अदालतको फैसला कार्यान्वयनका क्रममा दुई जना फरार प्रतिवादी पक्राउ परेका छन्।
कैलालीमा चोरी मुद्दामा १ महिना १५ दिन कैद र १ लाख ६२ हजार रुपैयाँ जरिवाना तोकिएका टीकापुर नगरपालिका–१ का ३२ वर्षीय रोहित कठायतलाई इलाका प्रहरी कार्यालय टीकापुरको टोलीले बिहीबार दिउँसो आफ्नै घरबाट पक्राउ गरेको हो।
त्यस्तै, बैंकिङ कसुर मुद्दामा १ महिना कैद र २७ हजार २०० रुपैयाँ जरिवाना तोकिएका बैतडीको पाटन नगरपालिका–३ का ३५ वर्षीय दिनेश खत्रीलाई जिल्ला प्रहरी कार्यालय कञ्चनपुरको टोलीले बिहीबार दिउँसो पक्राउ गरेको छ। उनी हाल धनगढी उपमहानगरपालिका–३, चटकपुरमा डेरा गरी बस्दै आएका थिए।
