

झापा । झापाको बाह्रदशी गाउँपालिका–५ चारपाने–राजगढ सडकखण्डमा धान काट्ने मेसिनमा मोटरसाइकल ठोक्किँदा दुई युवकको मृत्यु भएको छ ।
गएराति भएको दुर्घटनामा बाह्रदशी गाउँपालिका–५ चकचकीका गोपाल ताजपुरिया र सोही गाउँपालिकाको बुट्टावारीका अशोक राजवंशीको मृत्यु भएको हो ।
इलाका प्रहरी कार्यालय बिर्तामोडका प्रमुख सन्तोष पाठकका अनुसार मोटरसाइकल धान काट्ने मेसिनमा ठोक्किँदा दुवै जनाको घटनास्थलमै मृत्यु भएको हो ।

