धनगढी । कञ्चनपुरमा ९ ग्राम बढि लागूऔषध खैराे हेराेईनसहित एक युवक पक्राउ परेका छन् ।
पक्राउ पर्नेमा बेलडाँडी गाउँपालिका–४ बैवाह बस्ने २० वर्षीय बासुदेब महरा रहेकाे प्रहरीले जनाएको छ । उनकाे साथबाट ९ ग्राम ८४० मिलिग्राम खैरो हेरोइन बरामद गरिएको छ ।
उनलाई विशेष सूचनाकाे आधारमा इलाका प्रहरी कार्यालय बेलडाँडीबाट खटिएको टोलीले पक्राउ गरेको थियो ।
महरालाई नियन्त्रणमा राखेर थप अनुसन्धान भइरहेको प्रहरीले जनाएको छ ।
