कञ्चनपुर । ५० वर्षीया महिलामाथि जबरजस्ती करणी गरेको आरोपमा प्रहरीले एक युवकलाई पक्राउ गरेको छ।
लालझाडी गाउँपालिका–४ बस्ने ३२ वर्षीय राजकुमार रानालाई शुक्रबार पक्राउ गरिएको प्रहरीले जनाएको छ ।
पीडित महिलाको उजुरीका आधारमा इलाका प्रहरी कार्यालय बेलौरीबाट खटिएको प्रहरी टोलीले उनलाई नियन्त्रणमा लिएको जनाएको छ।
प्रहरीका अनुसार घटनाबारे थप अनुसन्धान प्रक्रिया अघि बढाइएको छ।
