कञ्चनपुर । लागूऔषध (खैरो हेरोइन) मुद्दामा कैद सजाय तोकिएका एक फरार प्रतिवादीलाई प्रहरीले पक्राउ गरेको छ।
जिल्ला अदालत कञ्चनपुरको २०८२ माघ २० गतेको फैसलाले ११ महिना २८ दिन कैद सजाय तोकिएका भीमदत्त नगरपालिका–७, ज्योति टोलका २८ वर्षीय किरण भण्डारी पक्राउ परेका हुन्।
जिल्ला प्रहरी कार्यालय कञ्चनपुरबाट खटिएको प्रहरी टोलीले बुधबार उनलाई आफ्नै घरबाट पक्राउ गरेको जनाएको छ। पक्राउ परेका भण्डारीलाई फैसला कार्यान्वयनको प्रक्रियाअन्तर्गत आवश्यक कारबाही अघि बढाइएको प्रहरीले जनाएको छ।
