धनगढी । कैलालीमा झगडाकाे क्रममा चक्कु प्रहार हुँदा एक जना घाइते भएका छन् ।
घोडाघोडी नगरपालिका–११ सिसैयामा आपसमा भएको विवादका क्रममा चक्कु प्रहार गरिएपछि साेही ठाउँ बस्ने २५ वर्षीय अविनास कुश्मी घाइते भएको प्रहरीले जनाएको छ ।
उनको सुखडस्थित सीएस अस्पतालमा उपचार गरिएको थियो । टाउको, अनुहार र कम्मरमा चोट लागेका उनको अवस्था मध्यम रहेको र थप उपचारका लागि राति १२ः३० बजे धनगढी रिफर गरिएको प्रहरीले जनाएको छ ।
यस्तै, उनलाई चक्कु प्रहार गरेकाे आराेपमा स्थानीय धिरज धामीलाई प्रहरीले नियन्त्रणमा लिएकाे छ ।
