४ भदौ, धनगढी । बाजुरामा घाँस काट्ने क्रममा महिलामाथि जबरजस्तीकरणी गरेको अभियोगमा एक जनालाई पक्राउ गरिएको छ ।
जिल्लाको स्वामिकात्तिक खापर गाउँपालिका वडा नम्बर ३ का अन्दाजी ४२ वर्षीय कर रावललाई करणी आरोपमा पक्राउ गरिएको प्रहरीले जनाएको छ ।
रावलले आफ्नो घर नजिकै खेतमा घाँस काटिरहेकी महिलामाथि जबरजस्तीकरणी गरेको मौखिक सूचनाका आधारमा उनलाई पक्राउ गरेर अनुसन्धान थालिएको जिल्ला प्रहरी कार्यालयले जानकारी दिएको छ ।
