३१ असोज, दार्चुला । दार्चुलामा अरिंगालले टोक्दा एक बालकको ज्यान गएको छ ।
दार्चुला जिल्लाको शैल्यशिखर नगरपालिका ६ ग्वानीमा आमा सँगै मेला गएका स्थानीय ६ वर्षीय बालक प्रशान्त धामीको अरिंगालले चिल्दा मृत्यु भएको प्रहरिले जनाएको छ ।
जिल्ला प्रहरि कार्यालय दार्चुलाका अनुसार आईतबार दिउँसोको समयमा आमा सँगै खर फागला गएका प्रशान्तलाई घर फर्किने वेलामा अरिंगालले चिले पछि उपचारकालागी उनलाई गोकुलेश्वर अस्पताल लगिएको थियो ।
उपचारका क्रममा राती मृत्यु भएको प्रहरिले जनाएको छ ।
