
२ असार, धनगढी । धनगढी उपमहानगरपालिकाकी उपमेयर कन्दकला रानाको निर्देशनपछि क्याम्पस चोकमा झुत्रिएको अवस्थामा रहेको राष्ट्रिय झण्डा फेरिएको छ । उपमहानगरपालिका–८ स्थित पर्ने क्याम्पस चोकको टावर लाइटमा लगाइएको राष्ट्रिय झण्डा फेर्न उपमेयर रानाले निर्देशन दिएपछि वडा कार्यालयले फेरिएको जनाएको छ ।

वडा सदस्य सुरेन्द्र रानाले उपमेयरको निर्देशनपछि झुत्रिएको झण्डा फेरेर नयाँ लगाइएको बताए । राष्ट्रिय झण्डा च्यातिएर झुत्रिएको अवस्थामा समेत नफेरेको भन्दै आलोचना भएको थियो ।
