१७ कात्तिक, धनगढी । बैतडी जिल्लाका सबै स्थानीय तहमा नमुना मतदान कार्यक्रम सञ्चालन गरिने भएको छ ।
मंसिर ४ गते हुने प्रतिनिधि सभा र प्रदेश सभाको निर्वाचनका लागि मतदान गर्ने तरिकाबारे जानकारी दिन नमुना मतदान कार्यक्रम सञ्चालन गरिने भएको हो ।
निर्वाचन आयोगको कार्यक्रम अनुसार स्थानीय तहका केन्द्र आसपासका क्षेत्रमा नमुना मतदान कार्यक्रम सञ्चालन गरिनेछ पाटन नगरपालिकाको पाटन बजार क्षेत्रमा नमुना मतदान सम्पन्न भइसकेको जिल्ला निर्वाचन अधिकारी माधवप्रसाद फुँयालले बताए । नमुना मतदानले बदर मतको संख्या घटाउन सहयोग पुग्ने विश्वास गरिएको छ ।
यो चुनावमा मतदाता शिक्षा सञ्चालन नभएकाले नमुना मतदानबाटै मतदानका विषयमा जानकारी दिने लक्ष्य लिइएको जिल्ला निर्वाचन अधिकारी फुँयालले बताए ।
