धनगढी । कैलालीको टिकापुर नगरपालिका–९ खैरीपुरस्थित सडक खण्डबाट प्रहरीले भन्सार छली गरेर भारतबाट ल्याइएका लत्ताकपडा बरामद गरेको छ।
प्रहरी चौकी सत्तीबाट खटिएको गस्ती टोलीले शुक्रबार बेवारिसे अवस्थामा फेला पारेको अन्दाजी १ लाख ३३ हजार रुपैयाँ बराबरका हाफ सर्ट, भेस्ट लगायतका सामग्री नियन्त्रणमा लिएको हो।
बरामद गरिएका सामान आवश्यक कानुनी प्रक्रिया पूरा गरी नियन्त्रणमा लिइएको प्रहरीले जनाएको छ।
