धनगढी । कैलालीमा सुतिरहेका बेला सर्पले टोकेकी युवतीको मृत्यु भएको छ ।
शनिबार राति साढे २ बजेतिर चुरे गाउँपालिका–५ पटेली बस्ने गणेश रोकामगरको १७ वर्षीया छोरी आशाको उपचारका क्रममा मृत्यु भएको प्रहरीले जनाएको छ ।
सर्पले टोकेको थाहा पाउने बित्तिकै रोकामगरलाई उद्दार गरेर उपचारका लागि सेती प्रादेशिक अस्पताल ल्याइएको थियो तर उनको उपचारकै क्रममा मृत्यु भएको हो ।
प्रहरीकाअनुसार उनको बिहान साढे ८ बजेतिर मृत्यु भएको हो । उनको शव परीक्षण गरेर परिवारको जिम्मा लगाइनेछ ।
