नेकपा एमालेको केन्द्रीय सचिवालय बैठक दिउँसो १ बजेबाट ३ बजेलाई सरेको छ ।
एमाले केन्द्रीय कार्यालयका सचिव डा. भीष्म अधिकारीका अनुसार कार्यदलको बैठक नसकिएकाले सचिवालय बैठकको समय परिवर्तन गरिएको हो ।
उनका अनुसार बिहान ९ बजेदेखि पार्टी कार्यालय च्यासलमा एमाले निर्वाचन समीक्षा तथा पार्टी पुनर्गठन कार्यदलको बैठक बसिरहेको छ ।
‘कार्यदलको बैठक सकिएन । अहिले खाना ब्रेक भएको छ,’ सचिव अधिकारीले भने, ‘खाना खाइसकेपछि कार्यदलको बैठक बसेर सकिएपछि सचिवालय बस्छ ।’
यसैबीच सचिवालय बैठकका लागि दिउँसो १ बजे पार्टी कार्यालय पुगेका एमाले अध्यक्ष केपी शर्मा ओली आधा घण्टा बसेर बाहिरिएका छन् ।
