काठमाडौं । भक्तपुरको मध्यपुर थिमि नगरपालिका–१ लोकन्थलीमा मोटरसाइकल दुर्घटना हुँदा चालकको मृत्यु भएको छ ।
काठमाडौंबाट भक्तपुर जाँदै गरेको बा. प्र. ०२–०६० प ८३३२ नम्बरको मोटरसाइकल आफैं अनियन्त्रित भएर दुर्घटनामा परेको थियो । बिहीबार बिहान दुर्घटना हुँदा चालक सोही नगरपालिका–६ का २२ वर्षीय अनिश छुजको मृत्यु भएको हो ।
गम्भीर घाइते भएका उनको उपचारको क्रममा भक्तपुर इन्टरनेशनल अस्पतालमा मृत्यु भएको प्रहरीले बताएको छ ।
