धनगढी । कैलालीको गाैरीगंगा नगरपालिकाका उपमेयर भाेजराज बम नेपाली कांग्रेसकाे महाधिवेशन प्रतिनिधिमा उम्मेदवार भएका छन् ।
बमले कैलाली निर्वाचन क्षेत्र नम्बर ४ बाट महाधिवेशन प्रतिनिधिमा उम्मेदवार दिएका हुन् ।
उनले खुल्ला पुरूष तर्फ उम्मेदवारी दिएका छन् ।
महाधिवेशन प्रतिनिधि चयनका लागि मंगलबार बिहान ८ बजेदेखि अत्तरियामा मतदान हुँदैछ ।
बम २०४९ सालदेखि नेपाली कांग्रेसकाे क्षेत्रीय प्रतिनिधिमा निरन्तर चुनाव जित्दै आएका नेता हुन् ।
उनी नेविसंघकाे जिल्ला सदस्य, तरूण दलकाे जिल्ला सदस्य, कांग्रेसकाे क्षेत्रीय सदस्य हुँदै जिल्ला कार्य समिति सदस्य भएर काम गरिसकेका व्यक्ति हुन् ।
विभिन्न संघसंस्थामा सक्रिय बम राष्ट्रिय सहकारी महासंघकाे सञ्चालक भइसकेका छन् ।सहकारी मार्फत आर्थिक समृद्धिकाे लागि याेगदान गरेका छन् ।
