धनगढी । कैलालीको धनगढीमा जुवातास खेलिरहेको अवस्थामा ६ जना पक्राउ परेका छन् ।
धनगढी उपमहानगरपालिका–४ उत्तरबेहडीस्थित ५५ वर्षीय धनबहादुर सिंहको घरमा जुवातास खेलिरहेको सूचनाका आधारमा शनिबार साँझ जिल्ला प्रहरी कार्यालय कैलालीबाट खटिएको प्रहरी टोलीले उनीहरूलाई पक्राउ गरेको हो ।
प्रहरीले सिंहसहित ६ जनालाई जुवातास खेलिरहेको अवस्थामा पक्राउ गरेको जनाएको छ । उनीहरूको साथबाट नगद ८१ हजार ३ सय ४५ रुपैयाँ र ३ गड्डी तास बरामद गरिएको छ ।
घटनाबारे प्रहरीले थप अनुसन्धान गरिरहेको जनाएको छ ।
