धनगढी । सुदूरपश्चिम सरकारले ल्याएकाे बजेटमाथि छानबिन गर्न संसदीय समिति गठन गर्ने निर्णय गरिएको छ ।
मुख्यमन्त्रीकाे अध्यक्षतामा बसेकाे नेकपा संसदीय दलको बैठकले अहिलेकाे बजेट प्रदेश सभाबाट पास गर्ने र त्यसमाथि अध्ययन गर्न संसदीय समिति बनाउने निर्णय गरेकाे हाे । साथै, संसदीय समितिले बुझाएको प्रतिवेदनका आधारमा पूरक बजेट ल्याउने सहमति समेत गरिएको छ ।
बजेटप्रति असन्तुष्ट सत्तापक्षीय सांसदले नै पारित गर्न नदिने अडान लिऐपछि प्रदेश सभामा छलफल अघि बढ्न सकेकाे छैन् ।
प्रदेश सभाको बैठक दिउसो १ बजेका लागि बोलाइएको थियो।
प्रमुख प्रतिपक्षी दल नेपाली कांग्रेसले भने बैठक बहिष्कार गर्ने निर्णय लिएपछि अहिलेसम्म बस्न सकेको छैन ।
