१४ साउन, धनगढी । कैलालीको अत्तरियामा रहेको सैनिक आवासीय महाविद्यालयमा एक किशोरी मृत अवस्थामा भेटिएकी छन् । जिल्लाको गोदावरी नगरपालिका–१ बस्ने भूपू सैनिक मनोज विष्टकी १६ वर्षीया छोरी भिमानी विष्ट मृत अवस्थामा फेला परेको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक (डीएसपी) वेदप्रकाश जोशीले सैनिक आवासीय महाविद्यालयको महिला होस्टेलमा बसेर कक्षा १० मा अध्ययन गर्दै आएकी विष्ट शनिबार बिहान कोठामै मृत भेटिएको जानकारी दिए ।
जोशीकाअनुसार उनी कोठाको पंखामा दोपट्टाले झुण्डिएको अवस्थामा मृत भेटिएपनि घटनाको अनुसन्धान भइरहेको छ ।
