धनगढी । सुदूरपश्चिम प्रदेशको आर्थिक मामिला मन्त्री नेपाली कांग्रेसका बिक्रम सिंह धामी बन्ने भएका छन् ।
कांग्रेसका प्रमुख सचेतक समेत रहेका धामीलाई मुख्यमन्त्री कमलबहादुर शाहले आर्थिक मामिला मन्त्रालयको जिम्मेवारी दिन लागेको स्रोत बताउँछ ।
धामी दार्चुलाबाट निर्वाचित प्रदेश सभा सदस्य हुन् । अर्थमा मुख्यमन्त्रीविरुद्धको हस्ताक्षर फिर्ता लिएकी डम्मरी महराले समेत दाबी गरेकी छन् । महरालाई अन्य किसिमले व्यवस्थापन गरेर अघि बढ्ने मुुख्यमन्त्रीको तयारी छ । अहिले आर्थिक मामिला मन्त्रालयको जिम्मेवारी कांग्रेसकै बहादुर सिंह थापाले सम्हालिरहेका छन् ।
मुख्यमन्त्री शाहले सोमबार नै मन्त्री हेरफेरको तयारी गरेका छन् । सत्तारुढ नेकपा एमालेले पनि शाहलाई मन्त्री बन्ने चार जनाको नाम आइतबार नै टिपाइसकेको छ । तर, कांग्रेसको दिवान सिंह विष्ट पक्षले नाम दिन सकेको छैन् ।
