कञ्चनपुर । कञ्चनपुरमा स्कुटरको ठक्करबाट एक बृद्धाको मृत्यु भएको छ ।
वेदकोट नगरपालिका–१ को हात्तीथलामा सुपप्र०२००४ प ४०२० नम्बरको स्कुटरले पैदल यात्रा गरिरहेका बेला वेदकोट–२ बस्ने ७० वर्षीया पर्मादेवी बोहरालाई ठक्कर दिएको थियो ।
उनको उपचारका क्रममा महाकाली प्रादेशिक अस्पतालमा मृत्यु भएको हो । प्रहरीकाअनुसार चालक भीमदत्त नगरपालिका–१ का ३६ वर्षीय महेश भट्टलाई नियन्त्रणमा लिइएको छ । घटनाबारे अनुसन्धान भइरहेको प्रहरीले जनाएको छ ।
