धनगढी । कञ्चनपुरमा अवैध लागूऔषध खैरो हेरोइनसहित कैलालीका दुई युवक पक्राउ परेका छन्।
जिल्ला प्रहरी कार्यालय कञ्चनपुरका अनुसार पक्राउ पर्नेमा कैलालीको गोदावरी नगरपालिका–८ का ३३ वर्षीय अशोक चौधरी र २६ वर्षीय उपेन चौधरी रहेका छन्।
इलाका प्रहरी कार्यालय बेलौरीबाट खटिएको प्रहरी टोलीले आइतबार बेलौरी नगरपालिका–४ प्रेमनगरबाट उनीहरूलाई पक्राउ गरेको हो।
प्रहरीले उनीहरूको साथबाट ४.८५० ग्राम अवैध लागूऔषध खैरो हेरोइन र दुई थान मोबाइल बरामद गरेको जनाएको छ।
पक्राउ परेका दुवै जनामाथि थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
