धनगढी । कैलालीको बर्दगोरियामा जुवातास खेलिरहेको अवस्थामा ८ जना पक्राउ परेका छन्।
बर्दगोरिया गाउँपालिका–६ राजीपुरस्थित शिवरतन थारुको घरमा जुवातास खेलिरहेको गोप्य सूचनाका आधारमा इलाका प्रहरी कार्यालय सडकपुरबाट खटिएको प्रहरी टोलीले गएराति उनीहरूलाई पक्राउ गरेको हो।
प्रहरीले ४१ वर्षीय शिवरतन थारुसहित ८ जनालाई नगद ६४ हजार ७७० रुपैयाँ र तीन गड्डी ताससहित पक्राउ गरेको जनाएको छ।
पक्राउ परेकाहरूमाथि प्रहरीले थप अनुसन्धान गरिरहेको छ।
