बाजुरा । बाजुराको गौमुल गाउँपालिका–५ कोटमा भीरबाट खसेको ढुंगा लागेर ८ वर्षीय बालकको मृत्यु भएको छ ।
स्थानीय बलबहादुर बुढाका ८ वर्षीय छोरा समीर बुढाको ढुंगा लागेर मृत्यु भएको हो ।
स्थानीयका अनुसार गौमुल गाउँपालिका–४ बगर टोलबाट आफ्नो घर कोटतर्फ जाने क्रममा रतखोला भन्ने स्थानमा बालकमाथि भीरबाट ढुंगा खसेको थियो ।
पशुचौपायाले भीरबाट ढुंगा खसालेपछि उक्त ढुंगा बालकलाई लागेको स्थानीयले बताएका छन् । ढुंगा लागेर गम्भीर घाइते भएका समीरको घटनास्थलमै मृत्यु भएको प्रारम्भिक जानकारी प्राप्त भएको छ ।
घटनाबारे थप विवरण आउन बाँकी रहेको छ ।
