रेशम चौधरीको मुद्दा फिर्ता लिने विषयमा सरकारसँग छलफल

Nisharg hospital

२७ साउन, धनगढी । २०७२ भदौमा कैलालीको टीकापुरमा भएको हिंसात्मक घटनामा जेल सजाय भोगिरहेका निलम्बीत सांसद रेशम चौधरीको मुद्दा फिर्ता लिने लगायतका विषयमा छलफल भएको छ ।

सरकारका गृहमन्त्रीसहित तीन मन्त्री र थारु कल्याणकारिणी सभाका पदाधिकारीबीच गत वर्षको जेठमा तत्कालीन केपी ओली नेतृत्वको सरकारले गरेको ६ बुँदे सहमती कार्यान्वयनका विषयमा शुक्रबार छलफल भएको हो ।

Dhangadhi suchana

सिंहदरबारमा भएको छलफलमा गृहमन्त्री बालकृष्ण खाण, खानेपानीमन्त्री उमाकान्त चौधरी, कानुन, न्याय तथा संसदीय मामिलामन्त्री गोविन्दप्रसाद शर्मा, महान्यायाधिवक्ता खम्बबहादुर खाती, लुम्बिनी प्रदेशका पर्यटन ग्रामीण तथा सहरी विकास मन्त्री डिल्लीबहादुर चौधरी र थारु कल्याणकारिणी सभाका पदाधिकारीको सहभागीता रहेको थियो ।

छलफलमा कल्याणकारिणी सभाका तर्फबाट सभाका उपाध्यक्ष देवीप्रसाद चौधरी, महामन्त्री प्रेमीलाल चौधरी र केन्द्रीय सदस्यद्वय प्रभातकुमार चौधरी तथा रुकमिणी चौधरी सहभागी थिए ।

छलफलमा थारु कल्याणकारिणी सभा र सरकारबीच भएको ६ बुँदे सहमतिबारे कुराकानी भएको थियो । दुई पक्षबीच टीकापुर घटनामा दोषी ठहर भएका सांसद रेशम चौधरीसहित ५८ जनामाथि लागेका मुद्दा फिर्ता र रिहाइका लागि संविधाान र कानुनसम्मत पहल गर्ने, थरुहट-थारुवान आन्दोलनका क्रममा ज्यान गुमाई राहत नपाएका परिवारलाई राहत दिने, शहीद परिवारको उचित व्यवस्थापन गर्ने घाइतेको उपचार गर्ने र आन्दोलनका क्रममा विभिन्न स्थानमा भएको धनजनको क्षतिको छानबिन र मूल्यांकन गरी क्षतिपूर्ति उपलब्ध गराउने प्रक्रिया अघि बढाउने पनि सहमति भएको थियो ।

 

Navjiwan hospital adv
याे पनि हेर्नुस्
Loading...