बाजुरामा विवाहित युवती मृत फेला, हत्याको आशंका

Nisharg hospital

२८ भदौ, धनगढी । बाजुरामा युवती मृत अवस्थामा भेटिएकी छन् । जिल्लाको बुढीगंगा नगरपालिका–७ की २५ वर्षीया गोमा सार्की मृत अवस्थामा भेटिएको प्रहरीले जनाएको छ ।

Dhangadhi suchana

जिल्ला प्रहरी कार्यालयका निमित्त प्रमुख प्रहरी निरीक्षक गिन्द्र बोगटीले सार्की मृत अवस्थामा भेटिएको जानकारी दिदै घटनाबारे अनुसन्धान भइरहेको बताए । उनकाअनुसार उनी पासो लगाएको अवस्थामा भेटिएकी हुन् । तर मृतकका माइती पक्षले भने विगतदेखि नै श्रीमानश्रीमतीबीच मनमुटाव भइरहने गरेकाले हत्याको आशंका गरिएको छ ।

उनकी बहिनी रोशनी सार्कीले मृतकका श्रीमान देवेन्द्र सार्कीले दिदीसँग विगतदेखि नै झैझगडा गरिरहने भएकाले हत्या गरेको शंका भएकाले घटनाको निष्पक्ष छानबिन गर्नुपर्ने माग गरेकी छन् । प्रहरीले भने अहिले नै घटनाबारे केही भन्न नसकिने बताउदै शव परीक्षणपछि धेरै कुरा खुल्ने विश्वास गरेको छ । मृतकका दुई जना छोराछोरी छन् ।

Navjiwan hospital adv
याे पनि हेर्नुस्
Loading...