२९ भदौ, धनगढी । कञ्चनपुरमा दुई जनाको शव भेटिएको छ ।
जिल्लाको भीमदत्त नगरपालिका र बेलौरी नगरपालिकामा दुई जनाको शव फेला परेको प्रहरीले जनाएको छ । भीमदत्त नगरपालिका–१३ का ६५ वर्षीय धर्मानन्द जोशी घर नजिकैको नहरमा मृत भेटिएका हुन् ।
प्रहरीकाअनुसार उनी बुधबार बिहान डुबेको अवस्थामा मृत भेटिएका थिए भने बेलौरी नगरपालिका–३ खिरियामा ६० वर्षीया धनुमाया देवीसिंह पनि नालामा मृत अवस्थामा फेला परेकी हुन् ।
दुवै जनाको पानीमा डुबेर मृत्यु भएको हुनसक्ने आशंका गरिएपनि घटनाबारे अनुसन्धान भइरहेको प्रहरीले जनाएको छ ।
