१६ असोज, काठमाडौं । काठमाडौंको बालकुमारी पुलमा जीपको ठक्करबाट पैदलयात्रीको मृत्यु भएको छ ।
मृतक अन्दाजी २८ वर्षीय युवकको सनाखत हुन बाँकी रहको छ । ठक्करबाट गम्भीर घाइते भएका उनको उपचारका क्रममा ग्वार्कोस्थित बीएन्डबी अस्पतालमा मृत्यु भएको हो ।
हिजो बेलुका करिब सवा ८ बजे पैदल हिँडिरहेका उनलाई बा १ झ ८१७ नम्बरको जीपले ठक्कर दिएको थियो ।
घटनापछि फरार भएका जीप चालकको खोजी भइरहेको प्रहरी प्रभाग कोटेश्वरले बताए ।
