धनगढी । धनगढीको केजी हस्पिटलमा उपचाररत एक महिलाको मृत्यु भएको छ ।
मृगौला र मुटु सम्बन्धी समस्या देखिएपछि बिहीबार बिहान अस्पताल भर्ना भएकी कञ्चनपुरको कृष्णपुर नगरपालिका–१ बस्ने ५० वर्षीया समानी चौधरीको राति मृत्यु भएको थियो ।
प्रहरीकाअनुसार उनको राति पौने १० बजेतिर मृत्युु भएको थियो । केजी हस्पिटल र चिकित्सकको लापरवाहीका कारण चौधरीको मृत्यु भएको भन्दै आफन्तले उचित क्षतिपूर्ति र कारवाहीको माग गरेका छन् ।
आफन्तहरु अस्पताल बाहिर भेला भएपछि वडा प्रहरी कार्यालय धनगढीका प्रहरी निरीक्षक बलराम पाण्डे नेतृत्वको प्रहरी टोली परिचालन गरिएको छ ।
